📚 TA’LIM TO‘G‘RISIDAGI QONUN IJROSI O‘RGANILDI

Xalq deputatlari tuman Kengashi deputati, Kengash kotibiyati mudiri E. Mirzayev tomonidan deputatlik faoliyati doirasida “O‘rganilishi lozim bo‘lgan eng muhim qonunlar” asosida “Shieli” OFYdagi 8-sonli umumta’lim maktabida O‘zbekiston Respublikasining “Ta’lim to‘g‘risida”gi Qonuni, O‘RQ-637-son ijrosi o‘rganildi.

O‘rganish davomida ta’lim tashkilotida qonun talablarining amaliyotga tatbiq etilishi, o‘quvchilarga sifatli ta’lim olishlari uchun yaratilgan shart-sharoitlar, ta’lim-tarbiya jarayonining tashkil etilishi hamda maktab faoliyatining belgilangan talablar asosida olib borilishi masalalariga alohida e’tibor qaratildi.

🔹 Ta’lim jarayonining tashkil etilishi va sifati;
🔹 o‘quvchilarning ta’lim olish huquqlari va ular uchun yaratilgan imkoniyatlar;
🔹 pedagog xodimlarning faoliyati va ta’lim-tarbiya jarayonidagi mas’uliyati;
🔹 maktabda o‘quvchilar uchun yaratilgan moddiy-texnik sharoitlar;
🔹 ta’lim muassasasida xavfsizlik, sanitariya-gigiyena talablariga rioya etilishi;
🔹 o‘quvchilarning bilim va ko‘nikmalarini rivojlantirishga qaratilgan ishlar holati ko‘rib chiqildi.

Shuningdek, ta’lim sifatini oshirish, o‘quvchilarning bo‘sh vaqtini mazmunli tashkil etish, ularni fan, sport va turli to‘garaklarga keng jalb qilish, zamonaviy ta’lim usullaridan samarali foydalanish masalalariga e’tibor qaratildi.

“Ta’lim to‘g‘risida”gi Qonun ta’lim sohasidagi munosabatlarni tartibga soladi hamda ta’lim tizimi, ta’lim oluvchilarning huquq va majburiyatlari, ta’lim tashkilotlari faoliyati, ta’lim sifati va davlat nazoratiga oid muhim qoidalarni belgilaydi.

O‘rganish yakunlari bo‘yicha aniqlangan masalalar yuzasidan maktab mas’ullariga tegishli tavsiya va ko‘rsatmalar berildi. Qonun talablarining amaliyotda to‘liq bajarilishini ta’minlash, mavjud masalalarni o‘z vaqtida hal etish hamda o‘quvchilar uchun yanada qulay ta’lim sharoitlarini yaratish bo‘yicha vazifalar belgilab olindi.

📌 Deputatlik nazorati — qonunlar ijrosi, ta’lim sifati va yosh avlod manfaatlarini ta’minlashga xizmat qiladi.