♻️ Өзбекстан ХДП Шымбай районлық кеңеси басламасы менен «Кеңес» аўыл пуқаралар жыйыны аймағында бой тиклеген «IT қалаша»да билим алып атырған жаслар менен ушырасыў өткерилди.

📌 Ушырасыўда Халық депутатлары Шымбай районлық Кеңесиндеги ӨзХДП депутатлық топары ағзасы А.Утепбергенова, «Кеңес» АПЖ баслығы А.Тажетдинов, Өзбекстан ХДП Шымбай районлық кеңеси баслығы С.Нурмамбетов, IT қалаша жуўаплы хызметкерлери ҳәм жаслар қатнасты.

✅ Илажда депутат А.Утепбергенова «IT қалашада» жаратылған шараятлар менен жақыннан танысып, зәманагөй кәсип ийелериниң пикир-усынысларын тыңлады. Буннан соң депутат тәрепинен бүгинги күнде мәмлекетимизде жасларға жаратылып атырған имканиятлар, соның ишинде, IT тараўын раўажландырыўға қаратылған ийгиликли басламалар ҳаққында айтып өтилди.

🔹 Илаж соңында қалашада билим алып атырған жаслар өзлериниң ислеп атырған жойбарлары, келешектеги мақсетлери менен бөлисти. Сондай-ақ, тараўда дусласып атырған айырым мәселелер бойынша депутатқа мүрәжат етип, тийисли жуўаплар алды.