Shifobuloq mahallasidagi 16-sonli maktabda qurilish ishlari o‘rganildi

#Ish_reja_ijrosi
#24_ta_masala

🚨Shifobuloq mahallasida joylashgan 16-sonli umumiy o‘rta ta’lim maktabida “Open Budget” dasturi doirasida amalga oshirilayotgan qo‘shimcha bino qurilishi jarayoni xalq deputatlari tuman Kengashi raisi va kotibiyat mudiri tomonidan ko‘zdan kechirildi.

🚨O‘rganish davomida maktab hududida olib borilayotgan qurilish-montaj ishlarining amaldagi holati, ishlarning belgilangan loyiha va talablar asosida tashkil etilgani, qurilish materiallaridan foydalanish hamda ishlarning sifatli bajarilishiga alohida e’tibor qaratildi.

🚨Mazkur loyiha mahalladagi o‘quvchilar uchun zamonaviy va qulay ta’lim sharoitlarini yaratish, maktabning mavjud quvvatini kengaytirish hamda o‘quv jarayonini yanada samarali tashkil etishda muhim ahamiyatga ega.

🚨Shuningdek, qurilish ishlarini belgilangan muddatlarda yakunlash, obyektning sifatli topshirilishini ta’minlash, xavfsizlik talablariga qat’iy rioya qilish hamda ajratilgan mablag‘lardan maqsadli va samarali foydalanish masalalariga e’tibor qaratildi.

🚨O‘rganish yakunida aniqlangan masalalar yuzasidan mas’ullarga tegishli tavsiyalar berilib, qurilish jarayonining keyingi bosqichlari ham nazorat qilib borilishi belgilandi. Mazkur ishlarning to‘liq yakunlanishi natijasida 16-sonli maktab o‘quvchilari uchun yanada qulay va zamonaviy ta’lim muhiti yaratilishi kutilmoqda.