Yangi o‘quv yilini munosib kutib olish, ta’lim muassasalarining tayyorgarlik holatini o‘rganish hamda ta’lim jarayoni uchun zarur shart-sharoitlarni ta’minlash masalalari deputatlik nazoratining muhim yo‘nalishlaridan biridir.

Shu maqsadda Maktabgacha va maktab ta’limi bo‘limi Xalq deputatlari Marg‘ilon shahar Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasi deputati A. Mahkamovga biriktirilgan.

Yangi o‘quv yili boshlanishi arafasida deputat A. Mahkamov hamda Maktabgacha va maktab ta’limi bo‘limi boshlig‘i M. Alavitdinov o‘rtasida ta’lim sohasidagi mavjud masalalarni tizimli o‘rganish va ularni hal etish bo‘yicha hamkorlikda ish olib borish yuzasidan kelishib olindi.

Kelishuv doirasida ta’lim muassasalarining yangi o‘quv yiliga tayyorgarlik holatini o‘rganish, mavjud muammolarni aniqlash, ularni tegishli tashkilotlar bilan hamkorlikda bartaraf etish hamda o‘quvchi va pedagoglar uchun munosib sharoit yaratish masalalariga e’tibor qaratiladi.

Deputatlik nazorati doirasidagi bunday hamkorlik ta’lim tizimida yuzaga kelayotgan masalalarga o‘z vaqtida e’tibor qaratish, aniqlangan muammolarni tegishli mutasaddilar bilan muhokama qilish va ularning yechimini nazoratga olish imkonini beradi.

Yangi o‘quv yiliga tayyorgarlik jarayonlari izchil davom ettiriladi. Ta’lim sohasidagi mavjud masalalar deputatlik nazorati doirasida o‘rganib borilib, aniqlangan muammolarni bartaraf etish bo‘yicha hamkorlikdagi ishlar davom ettiriladi.