HOKIM YORDAMCHISI FAOLIYATI O‘RGANILDI 

Xalq deputatlari Quva tuman Kengashi deputati F.Xashimova hamda kotibiyat
bosh mutaxassisi M.To‘xtasinov tomonidan Soyguzar mahalla fuqarolar yig‘ini
hokim yordamchisining Istiqlol qishlog‘ida aholi bandligini ta’minlash, oilaviy
tadbirkorlikni rivojlantirish va fuqarolarni daromadli mehnatga jalb etish
borasida olib borayotgan ishlari manzilli o‘rganildi. 

O‘rganish davomida hokim yordamchisi ko‘magida issiqxona tashkil etib, gul
yetishtirish orqali tadbirkorlik faoliyatini yo‘lga qo‘ygan fuqaroning ish
jarayoni o‘rganildi. 

Tadbirkor bilan suhbatda u gul ko‘chatlarini yetishtirish natijasida
tomorqasidan yaxshi daromad olayotganliklari, faoliyatni yanada kengaytirish,
mahsulot turlarini ko‘paytirish ustidan ishlayotganligini ta’kidladi. 

Deputat hokim yordamchisiga shu kabi tashabbuslarni qo‘llab-quvvatlash, aholiga
tomorqadan unumli foydalanish va daromadli mehnatga jalb etish bo‘yicha
ishlarni kengaytirish tavsiyasini berdi.