📍 Xalq deputatlari Sherobod tumani Kengashi huzuridagi Korrupsiyaga qarshi kurashish komissiyasi yig‘ilishidan so‘ng komissiya a’zolari tomonidan joylarga chiqib, amaliy o‘rganish ishlari olib borildi.
🤝 O‘rganishlarga Xalq deputatlari Sherobod tumani Kengashi huzuridagi Korrupsiyaga qarshi kurashish komissiyasi raisi Tursunov Otabek Tojiyevich boshchilik qildi.
👥 O‘rganishlarda Xalq deputatlari Surxondaryo viloyati Kengashi deputati Kravchenya Gennadiy Nikolayevich, tuman Kengashi deputatlari, komissiya a’zolari, tuman huquqni muhofaza qiluvchi organlari vakillari hamda tuman ijro organlari rahbarlari ishtirok etdi.
🏥 Jumladan, tibbiyot birlashmasida raqamlashtirish jarayonlari, zamonaviy axborot texnologiyalaridan foydalanish, xizmat ko‘rsatish jarayonlarida ochiqlik va shaffoflikni ta’minlash holati o‘rganildi.
💻 Shuningdek, raqamli tizimlarning amaliyotga joriy etilishi, mavjud imkoniyatlardan samarali foydalanish hamda xizmatlar sifatini oshirish borasidagi ishlar bilan yaqindan tanishildi.
🏭 Ishlab chiqarish korxonalari, jumladan, tosh saralash zavodi faoliyati ham joyiga chiqib o‘rganildi. Korxonadagi ish jarayonlari, mavjud shart-sharoitlar hamda faoliyatning qonuniy va shaffof tashkil etilishi yuzasidan tegishli masalalarga e’tibor qaratildi.
🛒 Shuningdek, tumandagi savdo nuqtalarida ham o‘rganishlar o‘tkazilib, tadbirkorlik faoliyatining tashkil etilishi, aholiga xizmat ko‘rsatish jarayonlari hamda qonunchilik talablariga rioya etilishi holati ko‘rib chiqildi.
🔎 O‘rganishlar davomida aniqlangan holatlar yuzasidan mas’ullarga tegishli tavsiya va takliflar bildirilib, mavjud muammolarni bartaraf etish, faoliyatda qonuniylik, ochiqlik va shaffoflikni ta’minlash bo‘yicha zarur choralarni ko‘rishga e’tibor qaratildi.
⚖️ Korrupsiyaga qarshi kurashish — faqat muhokama emas, balki joylarda olib borilayotgan amaliy ishlar, ochiqlik va qonuniylikni ta’minlashdan boshlanadi!
🌿 Qonuniylik va shaffoflik — taraqqiyot va ishonchning mustahkam poydevoridir!

Xalq deputatlari Sherobod tumani Kengashi kotibiyati matbuot xizmati.