Xalq deputatlari Mirzo Ulug‘bek tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan navbatdagi sessiyaga  kiritilgan masalani joyiga chiqib o‘rganish hamda deputatlik nazorati doirasida Sanitariya-epidemiologik osoyishtalik va jamoat salomatligi tuman bo‘limi tashkilotida bo‘lib, tashkilot faoliyati bilan yaqindan tanishdilar.

O‘rganishlar jarayonida deputatlar tumanimizda oziq-ovqat xavfsizligini ta’minlash yo‘nalishida amalga oshirilayotgan ishlar, bu boradagi qonunchilik to‘g‘risida so‘z yuritildi.

Shuningdek, Sanepidqo‘m yuqumli kasalliklar tarqalishining haqiqiy xavfi yuzaga kelganda mulkchilik shaklidan qat’i nazar obyektlarda tekshiruvlar o‘tkazishi, sanitariya qoidalari, normalari va gigiena normativlari buzilishi holatlari aniqlanganda litsenziyalar va ruxsat beruvchi hujjatlarni to‘xtatib turish, tugatish va bekor qilish masalasini hal etish uchun tegishli organlar va tashkilotlarga taqdimnomalar yuborish yuzasidan suhbatlar o‘tkazildi.

Bo‘lib o‘tgan tadbirda Kengash kotibiyati bosh mutaxassisi Jamoliddin Kuchkarov ham ishtirok etdi.