Xalq deputatlari Andijon shahar Kengashi deputati T. Israilova tomonidan "Barkamol" MFYda amalga oshirilayotgan obodonlashtirish ishlari o‘rganildi.

O‘rganish davomida mahalla guzarida barpo etilgan tandir o‘choq majmuasi faoliyati bilan yaqindan tanishildi. Mazkur majmuadan ko‘p qavatli uylarda istiqomat qiluvchi fuqarolar navbat asosida samarali foydalanayotganligi qayd etildi.

Shuningdek, mahalla hududini yanada obod qilish, aholi uchun qulay shart-sharoitlar yaratish hamda fuqarolarning birdamligini mustahkamlashga qaratilgan ishlarni izchil davom ettirish yuzasidan tegishli tavsiyalar berildi.

Mahalla obodligi va aholi farovonligini ta’minlash yo‘lidagi amaliy ishlar davom etmoqda.