📍 Royat va Mevazor mahallalari
16-Mehnatobod saylov okrugidan saylangan deputat Yo‘ldashova Oyimjon Qurbonnazarovna Royat va Mevazor mahallalarida bo‘lib, O‘zbekiston Respublikasining 2018-yil 12-apreldagi “Jamoatchilik nazorati to‘g‘risida”gi O‘RQ-474-son Qonuni ijrosi yuzasidan o‘rganish olib bordi.
🔹 O‘rganish davomida mahallalarda qonun hujjatlarida belgilangan talablarning amalda bajarilishi, aholi manfaatlarini ta’minlash hamda jamoatchilik nazoratini samarali tashkil etish masalalariga e’tibor qaratildi.
🔹 Shuningdek, mavjud muammolarni aniqlash, ularni bartaraf etish bo‘yicha mas’ul tashkilotlar faoliyatini o‘rganish va aniqlangan kamchiliklar yuzasidan tegishli takliflar ishlab chiqish masalalari ko‘rib chiqildi.
🎯 Asosiy maqsad — qonun talablarining qog‘ozda emas, balki hududlarda amalda ishlashini ta’minlash, fuqarolarning davlat organlari faoliyatidagi ishtirokini kuchaytirish va jamoatchilik manfaatlarini yanada samarali himoya qilishdir.
Deputatlik o‘rganishlari yakunlari bo‘yicha aniqlangan masalalar yuzasidan mas’ul tashkilotlarga tegishli tavsiyalar berish hamda qonun ijrosini ta’minlashga qaratilgan choralar belgilash ko‘zda tutiladi.
Jamoatchilik nazorati — ochiqlik, hisobdorlik va fuqarolar manfaatining muhim kafolatidir!