Soliq kodeksining bajarilishi o‘rganildi

Xalq deputatlari Qo‘shko‘pir tuman Kengashi kotibiyati bosh mutaxassisi S. Matyaqubova hamda O‘zLiDeP Qo‘shko‘pir tuman Kengashi apparat rahbari L. Matyaqubova hamkorligida tumandagi tadbirkorlik subyektlari vakillari bilan ochiq muloqot o‘tkazildi.
Muloqot davomida tadbirkorlarning Soliq kodeksi talablariga rioya etishi, soliqlarni o‘z vaqtida va to‘g‘ri to‘lashi, hisobotlarni ishonchli ma’lumotlar asosida taqdim etishi hamda tushumlarni to‘liq hisobga olishi masalalari muhokama qilindi.
Shuningdek, soliq imtiyozlari va stavkalaridan qonuniy foydalanish, elektron to‘lovlar, elektron hisobvaraq-fakturalar va cheklarni qo‘llash, mavjud soliq qarzdorligi hamda tadbirkorlarning muammoli masalalari yuzasidan fikr almashildi.
Aniqlangan muammolarni bartaraf etish va tadbirkorlarning huquq hamda qonuniy manfaatlarini himoya qilish maqsadida deputatlik nazorati mexanizmlaridan samarali foydalanish belgilandi.