#_deputat_faoliyati
#_24_ta_masala
“Yangi O‘zbekiston” qiyofasidagi Tortuli mahallasida bunyodkorlik ishlari o‘rganildi

Xalq deputatlari Sariosiyo tumani Kengashiga “9-Gazarak” saylov okrugidan saylangan deputat, tuman hokimi Odiljon Yaqubov tomonidan tumanning “Yangi O‘zbekiston” qiyofasidagi Tortuli mahallasida amalga oshirilayotgan obodonlashtirish, qurilish va bunyodkorlik ishlari joyiga chiqib o‘rganildi.

O‘rganish davomida ko‘chalarni namunali hududga aylantirish, xonadonlarning tashqi fasad qismini tartibga keltirish va bo‘yash, savdo hamda xizmat ko‘rsatish obyektlarining tashqi ko‘rinishini zamonaviy talablar asosida shakllantirish, shuningdek, ijtimoiy soha obyektlari va jamoat joylarini obodonlashtirish ishlari ko‘zdan kechirildi.

Shuningdek, amalga oshirilayotgan ishlarning sifati va topshiriqlar ijrosi tanqidiy tahlil qilinib, mas’ullarga qurilish hamda obodonlashtirish ishlarini belgilangan muddat va sifat talablari asosida yakunlash, aniqlangan kamchiliklarni zudlik bilan bartaraf etish hamda Tortuli mahallasini “Yangi O‘zbekiston” qiyofasiga mos namunali hududga aylantirish yuzasidan aniq topshiriqlar berildi.