#_deputat_faoliyati
#_24_ta_masala
#_kotibiyat_xodimi_faoliyati

Mahalla obodligi — deputat nazoratida

Xalq deputatlari viloyat Kengashi deputati L.Mardonova, хalq deputatlari Sariosiyo tumani Kengashiga “23-Aeroport” saylov okrugidan saylangan deputat N.Chorshanbieva hamda tuman Kengashi kotibiyati bosh mutaxassisi N.Xamdamova “Alisher Navoiy” mahallasida amalga oshirilayotgan obodonlashtirish va ko‘kalamzorlashtirish ishlari, xususan, piyodalar uchun yo‘lakchalar qurilishi jarayonini o‘rgandilar.

O‘rganish jarayonida xalq deputatlari tuman Kengashining 2026-yilga mo‘ljallangan ish rejasining 41-bandi ijrosi yuzasidan mahalla hududida obodonlashtirish ishlarining borishi manzilli tahlil qilindi. Jumladan, aholi uchun qulay va xavfsiz piyoda harakatini ta’minlash, ichki yo‘llar va yo‘laklarni tartibga keltirish, hududni obodonlashtirish hamda mavjud muammolarni bartaraf etish bo‘yicha amalga oshirilayotgan ishlar holati ko‘zdan kechirildi.
O‘rganish davomida mahallada aholiga qulay shart-sharoit yaratish, piyodalar harakati xavfsizligini ta’minlash va hududning sanitariya-obodonlik holatini yanada yaxshilashga qaratilgan ishlarni izchil davom ettirish zarurligi ta’kidlandi.

Aniqlangan kamchiliklarni bartaraf etish, belgilangan vazifalarning sifatli va o‘z vaqtida bajarilishini ta’minlash yuzasidan mas’ullarga tegishli tavsiya va takliflar berildi.
Deputatlik nazorati doirasida mazkur yo‘nalishdagi ishlar izchil davom ettirilib, belgilangan vazifalar ijrosi o‘rganib boriladi.