Yunusobod tumanida aholi uchun qulay va shinam dam olish maskanlarini ko‘paytirish borasida keng ko‘lamli ishlar amalga oshirilmoqda. Yunusobod tumani Kengashi deputati, tuman hokimi Abrorxo‘ja Saidaliyev tumanning drayver loyihasi bo'lgan «Minor», «Matonat» va «Qashg‘ar» mahallalari hududidan o‘tuvchi Bo‘zsuv kanali bo‘yida tashkil etilayotgan yangi sayilgohdagi bunyodkorlik jarayonlari bilan yaqindan tanishdi.

Sayilgoh infratuzilmasi quyidagilarni o‘z ichiga oladi:
🔅Piyodalar va velosiped yo‘laklari;
🔅Zamonaviy ko‘cha yoritish tizimlari hamda o‘rindiqlar;
🔅Hududga ko‘rk bag‘ishlovchi landshaft dizayni va ko‘kalamzorlashtirish ishlari;
🔅Samarali sug‘orish tarmoqlari va lotoklar tizimi.

✅O‘rganish davomida tuman hokimi loyihani sifatli va muddatida yakunlash, shuningdek, sayilgohda aholining xavfsiz dam olishi uchun barcha sharoitlarni yaratish yuzasidan mutasaddi tashkilotlar rahbarlariga aniq topshiriqlar berdi.