Bozataw rayonı "Erkindárya" APJ puqarası Bedimuratov Konısbay jeńilletilgen kredit qarjısınan nátiyjeli paydalanıp, máhálle xalqına xızmet kórsetiw maqsetinde traktor, pritsep, plug hám kosilka sıyaqlı awıl xojalıǵı texnikaların satıp aldı.
Házirgi kúnde bul texnikalar járdeminde aymaqtaǵı puqaralarǵa jerdi islew, shóp orıw hám basqa da awıl xojalıǵı jumısları boyınsha xızmet kórsetiw jolǵa qoyılmaqta. Bul bolsa puqaranıń óz iskerligin rawajlandırıwı menen birge, máhálle xalqınıń talapların jergilikli orında támiyinlewge imkaniyat jaratpaqta.
8-sanlı "Erkindárya" saylaw okruginen saylanǵan Xalıq deputatları Bozataw rayonlıq Keńesiniń deputatı J.Jumanazarov puqaranıń iskerlik jumısları menen tanısıp, satıp alınǵan awıl xojalıǵı texnikaların kórip shıqtı.
Ushırasıw dawamında puqaranıń baslaması, texnikalardan nátiyjeli paydalanıwı hám xalıqqa xızmet kórsetiwdi keńeytiw boyınsha pikir alısıldı.
Bunday baslamalar máhállede jańa xızmet túrlerin rawajlandırıw, puqaralardıń dáramatın arttırıw hám awıl xojalıǵı jumısların jeńilletiwde áhmietli ámeliy nátiyje beredi.