💧 Xalq tashabbusi bilan boshlangan loyiha — yakuniy bosqichda!

2026-yil 1-mavsumda O‘zbekiston Respublikasining “Ochiq budjet” portali orqali o‘tkazilgan ovoz berish yakunlariga ko‘ra, Sherobod tumani Zarabo‘g‘ mahallasidagi Shalqon–Zarabo‘g‘ qishloqlari oralig‘ida mavsumiy oqib keluvchi sel suvlaridan foydalanish maqsadida kichik suv havzasi qurish loyihasi g‘olib deb topilgan.
💰 Loyiha qiymati — 1 500,0 mln so‘m.
🏗 Ayni paytda mazkur loyiha doirasida qurilish ishlari yakuniy bosqichga kelib qolgan.
Loyihaning amalga oshirilishi jarayoni bilan Xalq deputatlari Sherobod tumani Kengashining 2-Zarabo‘g‘ saylov okrugidan saylangan deputati Xojidinov Ximoydin Sayfiddinovich hamda Kengash kotibiyati bosh mutaxassisi Xo‘janazarov Shuhrat Beknazarovich joyiga chiqqan holda tanishdilar.
📍 O‘rganish davomida qurilish ishlarining bugungi holati, bajarilgan ishlar hamda loyihaning yakuniga yetkazilishi jarayoni ko‘zdan kechirildi.
Mazkur loyiha mavsumiy sel suvlaridan samarali foydalanish, suv resurslarini asrash va hudud aholisi uchun qo‘shimcha imkoniyatlar yaratishda muhim ahamiyat kasb etadi. 💧🌱

Xalq ovozi bilan tanlangan tashabbusning amaliy natijaga aylanayotgani — aholi xohish-istaklarining hayotda o‘z ifodasini topayotganining yana bir namunasidir.

Xalq deputatlari Sherobod tumani Kengashi kotibiyati matbuot xizmati.