Paxtakor mahallasida jinoyatchilikka qarshi kurash holati oʻrganildi

📌Paxtakor-4 saylov okrugidan saylangan tuman Kengashi deputati N.Raximova tashabbusi bilan ish rejaga asosan, Paxtakor mahallasi hududida yoshlar o‘rtasida jinoyatchilikning oldini olishga qaratilgan muhim uchrashuv tashkil etildi. Mazkur uchrashuvda tuman IIB boshligʻi O.Jabborov, Paxtakor MFY raisi N. Ergasheva hamda hudud profilaktika inspektori ishtirok etdi. 

Suhbat davomida bugungi kunda yoshlar o‘rtasida uchrayotgan muammolar, ularning kelib chiqish sabablari hamda jinoyatchilikning oldini olish bo‘yicha amalga oshirilishi lozim bo‘lgan chora-tadbirlar muhokama qilindi. Ushbu mahalla aholisi va yoshlari uchun “Yoshlar oqshomi” tadbiri tashkil etildi.

Yoshlarning bo‘sh vaqtini mazmunli tashkil etish — jinoyatchilikni kamaytirishning eng muhim omillaridan biri hisoblanadi. Shu bois, ularni sport to‘garaklari, madaniy-ma’rifiy tadbirlar hamda musiqa yo‘nalishlariga keng jalb etish zarurligi qayd etildi.