Xalq deputatlari Tuproqqal’a tuman Kengashi deputati Bekchanov Akbarjon Jumabayevich 19-son “Shayxlar” saylov okrugida bo‘lib, mahalladagi hokim yordamchisi Yo‘ldashev Po‘lat Azimbayevich faoliyati samaradorligi, mahalla aholisini kambag‘allikdan chiqarish hamda bandlik masalalarini o‘rgandi. Hokim yordamchisi ko‘magida 67 ta oilaviy tadbirkorlik uchun kredit ajratilgan, 42 nafar ishsiz kasb-hunarga o‘qitilib, bandligi ta’minlangan. Shuningdek, 46 ta mikroloyiha ishga tushirilib, 96 ta ish o‘rni yaratilgan. Ijaraga olingan yer dehqon xo‘jaligi sifatida ro‘yxatdan o‘tkazilib, 120 nafar yoshlar bandligi ta’minlangan.

2025-yil davomida erishilgan muvaffaqiyatlar bilan birga yo‘l qo‘yilgan kamchiliklarni bartaraf etish yuzasidan deputat A.Bekchanov bilan hamkorlikda mahallada amalga oshirilishi zarur bo‘lgan tadbirlar belgilab olindi.