Sayyor qabul o‘tkazildi

Xalq deputatlari Qo‘shko‘pir tuman kengashi deputati Matyqubova Rayxon Bekturdievna Oshoq qala mahallasi fuqarolar yig‘ini binosida o‘zining navbatdagi sayyor qabulini o‘tkazdi. Ushbu uchrashuvda deputat aholining turmush darajasini yanada yaxshilash, joylarda muammolarni chuqur o‘rganish va ularni tizimli hal etish yo‘lida olib borilayotgan islohotlarning amaliy natijalarini ta’minlashga qaratilgan fikr-mulohazalarni bildirdi.

Qabulga kelgan fuqarolar o‘zlarini qiynayotgan ijtimoiy va maishiy muammolar haqida murojaat qilib, ayrim masalalarda amaliy yordam so‘rashdi. Deputat har bir murojaatni diqqat bilan tinglab, ularni yozib oldi hamda tegishli mas’ul tashkilotlarga yetkazilishini ma’lum qildi.