O‘zbekiston Respublikasi Prezidenti Shavkat Miromonovich Mirziyoyev Nyu-York shahrida bo‘lib o‘tayotgan Birlashgan Millatlar Tashkiloti Bosh
Assambleyasining 80-sessiyasi yalpi majlisidagi nutqi bizni — mamlakatimizning faol ayollarini yanada ilhomlantirdi, ishonch, kuch va g‘ayrat bag‘ishladi. 

Mazkur nutqda davlatimiz rahbari tomonidan belgilangan muhim ustuvor yo‘nalishlardan biri — bu gender siyosati masalasidir. Xotin-qizlarning mamlakat ijtimoiy-siyosiy hayotidagi, shuningdek, tadbirkorlik sohasidagi ishtirokini yanada kuchaytirish, ularning jamiyatdagi rolini mustahkamlash borasida aniq maqsadlar belgilandi. 

Prezidentimiz nutqlarida O‘zbekiston Osiyo mintaqasida Xotin-qizlar forumini doimiy platforma sifatida tashkil etish va uni muntazam o‘tkazib borish tashabbusini ilgari surganlari katta ahamiyatga ega. Bu — nafaqat yurtimizda, balki butun mintaqa bo‘ylab xotin-qizlar mavqeini mustahkamlashga xizmat qiladi. 

Yangi O‘zbekiston ayollari — bilimli, ma’rifatli, siyosiy jihatdan faol, jamiyatda o‘z o‘rniga ega bo‘lgan faol shaxslar bo‘lishi kerak. Biz esa, shu ezgu maqsad yo‘lida, tadbirkorlik sohasida ayollar faolligini yanada oshirish, sohaga yanada ko‘proq xotin-qizlarni jalb etish orqali, bu boradagi harakatlarimizni izchil davom ettiramiz. 

Bizning uchun asosiy tamoyillar — adolat va taraqqiyot bo‘lib, ular mamlakatimizning kelajakdagi muvaffaqiyati kafolati sifatida qaraladi. 

Hurmat bilan, 

N.Choriyeva, 

Xalq deputatlari Oltinsoy tuman kengashi deputati, 

“Obod turmush” Mahalla fuqarolar yig‘ini xotin-qizlar faoli