Жақында
ҳүрметли Президентимиз тәрепинен қабыл етилген ПП-98-санлы Пәрманға муўапық,
"Жергиликли мәмлекетлик ҳәкимият ўәкилликли уйымларының жумысын 2030-жылға
шекем раўажландырыў концепциясы" тастыйықланды. Бул ҳүжжет, әлбетте,
мәмлекетимизде демократиялық реформалардың жаңа басқышын баслап береди. 

Пәрманның тийкарғы мақсетлери: 

Халық ўәкиллери - жергиликли Кеңес депутатларының ўәкиллиги
ҳәм тәсирин күшейтиў; 

Жергиликли машқалаларды орынларда шешиў ушын ҳәкимликлер ҳәм
Кеңеслер арасында нәтийжели бирге ислесиў механизмлерин енгизиў; 

Ташкент қаласында тәжирийбе түринде "Жергиликли
Кеңеслер арқалы халық қадағалаўы" системасын енгизиў; 

Ҳәр бир депутат өз сайлаўшылары менен тиккелей, турақлы
сөйлесиў алып барыўын тәмийинлеў; 

Кеңеслердиң қадағалаў функциясын әмелий ҳәм тәсиршең
механизмлер менен байытыў нәзерде тутылған. 

Пәрман шеңберинде Жергиликли Кеңеслердиң қарарлары ҳәм
шығарылып атырған ҳүжжетлер ашық-айдын болыўы, депутатлардың басламалары
қоллап-қуўатланады ҳәмде мәмлекетлик уйымлардың жумысы үстинен халық ўәкиллери
тәрепинен тәсиршең Кеңес қадағалаўы күшейтиледи. 

Халық депутатлары Кегейли районлық Кеңеси депутатларыда усы
реформаларды әмелге асырыўда белсене қатнасыўға, сайлаўшылардың пикири ҳәм
мәплерин қорғаўға өз үлесин қосыўға өз үлекслерин қосатуғынлығына исенемен. 

Б.Искендеров. 

Халық депутатлары Кегейли районлық
Кеңеси Секретариат баслығы