O‘zbekiston Respublikasi Prezidenti Shavkat Mirziyoyev raisligida mahalliy sanoatni rivojlantirish bo‘yicha kelgusidagi ustuvor vazifalar yuzasidan o‘tkazilan videoselektor yig‘ilishi va bunda belgilab berilgan ustuvor vazifalar mazmun-mohiyati o‘rganib chiqilmoqda. 

To‘qimachilik, qurilish materiallari va mebelsozlik sohalariga qaratilayotgan e’tibor ham tasodifiy emas. Ayniqsa, bu tarmoqlarda 1 millionga yaqin fuqarolarning bandligi ta’minlangani sanoat siyosati orqali aholi farovonligiga qanchalik ta’sir qilish mumkinligini ko‘rsatadi.

Yig‘ilishda belgilangan choralar mahalliy sanoatni rivojlantirish, xalqaro standartlarga mos mahsulotlar ishlab chiqarish, eksportni kengaytirish va iqtisodiy mustaqillikni mustahkamlash kabi ustuvor vazifalarni hal qilishga qaratilgan. 

Ushbu barcha yo‘nalishdagi izchil harakatlar O‘zbekistonning uzoq muddatli barqaror taraqqiyoti uchun mustahkam poydevor yaratadi.