“Yashil makon” – kelajak uchun muhim qadam!

 “Yashil makon” umummilliy loyihasi doirasida mamlakatimizda obodonlashtirish va ko‘kalamzorlashtirish ishlari izchil davom ettirilmoqda. Ushbu loyiha nafaqat atrof-muhitni muhofaza qilish, balki aholi uchun yanada qulay va sog‘lom yashash muhitini yaratishga xizmat qilmoqda.

 Xalq deputatlari Kattaqo‘rg‘on shahar Kengashi deputatlari ham mazkur tashabbusda faol ishtirok etmoqda. Jumladan, 5-Talabalar saylov okrugi deputati Dilfuza Anziratova hamda 17-Qoriravot saylov okrugi deputati Shaxlo Xudoyberdiyeva hududlarda ko‘kalamzorlashtirish ishlarini tashkil etish, daraxt ekish va ularni parvarishlash jarayonlarida faol qatnashmoqda.

 Ularning sa’y-harakatlari natijasida hududlar yanada obod, yashil va ko‘rkam maskanga aylanib bormoqda. Bu esa kelajak avlod uchun sog‘lom ekologik muhit yaratishda muhim ahamiyat kasb etadi.