Deputat nazoratida: hududda keng ko‘lamli obodonlashtirish ishlari

Joriy yilning 8 aprel kuni Xalq deputatlari Termiz tuman Kengashi deputati S.Ikromov o‘zi saylangan hududda olib borilayotgan bunyodkorlik va obodonlashtirish ishlarini bevosita nazorat qilib bormoqda. Hudud infratuzilmasini yaxshilash, aholiga yanada qulay sharoitlar yaratish maqsadida bir qator muhim ishlar amalga oshirilmoqda.

Xususan, hozirgi kunda elektr ta’minotini yaxshilash va xavfsizlikni oshirish maqsadida beton ustunlar o‘rnatish ishlari jadal sur’atlarda davom etmoqda. Ushbu jarayon deputat tomonidan joyiga chiqib ko‘zdan kechirilib, ishlarning sifati, belgilangan me’yorlarga mosligi hamda o‘z vaqtida bajarilishi qat’iy nazoratga olingan.

Shuningdek, fuqarolar bilan ochiq muloqotlar o‘tkazilib, ularning taklif va muammolari tinglanmoqda. Har bir murojaat e’tibordan chetda qolmasdan, amaliy yechimlar ishlab chiqilmoqda.

Hududni yanada obod qilish, aholining turmush darajasini oshirish yo‘lida olib borilayotgan ishlar izchil davom ettiriladi.