🌳 “Yashil makon” – kelajak uchun yashil qadam!

Yakkasaroy tumanidagi “To‘qimachi” mahalla fuqarolar yig‘ini hududida “Yashil makon” umummilliy loyihasining bahorgi mavsumi doirasida daraxt ekish aksiyasi tashkil etildi.

Mazkur tadbirda Xalq deputatlari Yakkasaroy tumani Kengashi 14-Mutafakkir saylov okrugi deputati Xasanova Bibisara, mahalla raisi hamda faol fuqarolar ishtirok etdilar.

🌱 Aksiya davomida mahalla hududiga o‘rik, olma, nok kabi 30 dan ziyod mevali daraxt ko‘chatlari ekildi.

Shuningdek, O‘zbekistonda ekologik ta’limini rivojlantirish borasida amalga oshirilgan “Yashil makon” umummilliy loyihasi doirasida ilgari surilgan tashabbus bo‘yicha mahalla yoshlari daraxt ekishga jalb qilindi.

Bu kabi tashabbuslar nafaqat hududni obodonlashtirish, balki ekologik muhitni yaxshilash va kelajak avlod uchun sog‘lom muhit yaratishda muhim ahamiyat kasb etadi.

📌 Yashil makon – barchamizning umumiy mas’uliyatimiz!