O‘rganish davomida Xalq deputatlari Shirin shahar Kengashining 2026-yil 27-fevraldagi VII-21-24-9-131-K/26-son qarori bilan tasdiqlangan shahardagi ichki yo‘llarni saqlash va joriy ta’mirlash ishlari bo‘yicha 2026-yil uchun dastlabki “Manzilli dastur” ijrosi ham ko‘zdan kechirildi.
Jumladan, M. Ulug‘bek, Farhod, Nurobod, Bunyodkor hamda Amir Temur mahallalaridagi manzilli dasturga kiritilgan ichki ko‘chalarning holati o‘rganilib, belgilangan ta’mirlash ishlarining amaldagi holatiga baho berildi.

Shuningdek, yo‘l qoplamalarining holati, ta’mirga muhtoj qismlar, piyodalar va transport harakati uchun yaratilgan sharoitlar hamda ko‘chalarni tungi yoritish masalalariga alohida e’tibor qaratildi. Aniqlangan muammo va kamchiliklarni bartaraf etish yuzasidan mas’ul tashkilotlarga tegishli taklif va tavsiyalar berildi.

O‘rganish yakunlari bo‘yicha mazkur qarorda belgilangan vazifalarning ijrosini ta’minlash, ichki yo‘llarni saqlash va joriy ta’mirlash ishlarini sifatli amalga oshirish hamda aholi uchun qulay va xavfsiz yo‘l infratuzilmasini yaratish bo‘yicha deputatlik nazorati davom ettirilishi belgilandi.