O‘rganish davomida ta’lim muassasasining o‘quv xonalari, bino va inshootlarining texnik holati, hududni obodonlashtirish ishlari, sanitariya-gigiyena talablariga rioya etilishi hamda o‘quvchilar uchun yaratilgan shart-sharoitlar ko‘zdan kechirildi.

Shuningdek, yangi o‘quv yilini munosib kutib olish maqsadida amalga oshirilayotgan ta’mirlash va obodonlashtirish ishlari, ta’lim muassasasining zarur jihozlar bilan ta’minlanganlik darajasi, kuz-qish mavsumida isitish tizimining barqaror ishlashi hamda mavjud kamchiliklar o‘rganildi.

O‘rganish yakunida aniqlangan masalalarni bartaraf etish, ta’lim muassasasining moddiy-texnik bazasini mustahkamlash, kuz-qish mavsumini betalofat o‘tkazish hamda o‘quvchilar uchun yanada qulay va xavfsiz ta’lim muhitini yaratish yuzasidan tegishli tavsiya va takliflar bildirildi. Mas’ullarga aniqlangan kamchiliklarni belgilangan muddatlarda bartaraf etish va amalga oshirilgan ishlar yuzasidan tegishli choralarni ko‘rish tavsiya etildi.