Xalq deputatlari Shirin shahar Kengashiga 4-Shirin saylov okrugidan saylangan Deputat Xazratkulov Niyoz Namazbayevich shahardagi mutasaddi rahbarlar ishtirokida aholi muammolarini manzilli o‘rganish va hal etish maqsadida Shirin shahar Bunyodkor mahallasida saylovchilar bilan uchrashuv o‘tkazdi. 

Uchrashuv jarayonida fuqarolar tomonidan koʻp qavatli uylarga xizmat koʻrsatish, doimiy ish bilan ta'minlash va boshqa qator masalalar yuzasidan jami 7 ta murojaatlar kelib tushdi.

Yoʻllangan murojaatlarning 2 tasiga joyida amaliy yechim topildi, qolgan 5 ta murojaat o‘rganish uchun muddat talab etganligi sababli, tegishli mas'ullarga yo‘naltirilib, ijrosi nazoratga olindi.