Xalıq deputatları Taxtakópir rayonlıq Keńesiniń hápte dawamındaǵı iskerligi
(12-16-oktyabr)


12.10.2026-jıl. Xalıq deputatları Taxtakópir rayonlıq Keńesi deputatı A.
Pirjanova “Ózbekstan” MPJ aymaǵındaǵı 9-sanlı ulıwma bilim beriw mektebinde
bolıp, mekteptiń gúzgi-qısqı máwsimge tayarlıq jaǵdayın úyrendi. 

«Jizzaq haqıyqatı» gazetasınıń
bas redaktorı, Jizzaq wálayat Keńesi deputatı Nazarov Baxadir Sulaymanovich,
Taxtakópir rayonı hákiminiń orınbasarı Sh.Bekturǵanov, rayonlıq Keńes
sekretariatı baslıǵı T.Jusipov penen birgelikte, Taxtakópir rayonındaǵı «Tax-tóbe»
etno awılında bolıp, qaraqalpaq xalqınıń bay milliy miyrası, úrp-ádetleri
hám dástúrli turmıs-tirshiligin sáwlelendiretuǵın eksponatlar menen tanıstı. 

Xalıq deputatları Taxtakópir
rayonlıq Keńesine ÓzLiDEP partıyasınan deputat Nurǵabulov Qurmanǵazı Saparovich
tárepinen, "Beltaw" APJ aymaǵında puqaralardıń múrájatların qabıllaw,
olardıń usınıs hám pikirlerin tıńlaw maqsetinde gezektegi qabıllaw ótkerildi. 

13.10.2026-jıl. Xalıq deputatları Taxtakópir
rayonlıq Keńesi baslıǵı A. Reyov tárepinen Ózbekstan Respublikasınıń 2020-jıl
23-sentyabrdegi O‘RQ-637-sanlı «Bilimlendiriw haqqında»ǵı Nızamınıń orınlanıwı
boyınsha deputatlıq úyreniw ótkerildi.  

Xalıq deputatları rayonlıq
Keńesine Adolat SDP nan saylanǵan deputat Beknazarova Gúlmira Quralbaevna
tárepinen Taxtakópir rayonı «Qońıratkól» awıl puqaralar jıyını aymaǵındaǵı
turǵınlardıń turmıs sharayatın jaqınnan úyreniw maqsetinde úyme-úy jurip,
puqaralar menen sáwbetlesiwler ótkerdi. 

Xalıq deputatları Taxtakópir
rayonlıq Keńesine ÓzLiDeP partiyasınan saylanǵan deputat Ibadullaev Qazibek
Jienbaevich tárepinen Ózbekstan Respublikasınıń 2024-jıl 2-fevraldaǵı
O‘RQ-903-sanlı «Topıraqtı qorǵaw hám onıń ónimdarlıǵın arttırıw haqqında»ǵı Nızamınıń
orınlanıwı boyınsha deputatlıq úyreniw ótkerildi. 

Rayonlıq Keńes baslıǵı A.Reyovtıń
basshılıǵında usı jıldıń 9 aylıǵı juwmaqları, deputatlar tárepinen ámelge
asırılǵan jumıslar boyınsha saylawshılarına málimlemelerin óz waqtında beriliwi
hám puqaralar tárepinen bildirilgen mashqalalardı sheshiw boyınsha óz waqtında
deputat sorawların shıǵarıw hám de mámleketimizde jańadan qabıl etilip atırǵan
Párman, qarar hám nızamlardı úgit-násiyat ilájların kúsheyttiriwge baǵıshlanǵan
májilis bolıp ótti. 

Taxtakópir rayonı hákimliginde
Ózbekstan Xalıq demokratiyalıq partiyasınıń dúzilgenine 35 jıl tolıw múnásibeti
menen «35 jıl-hár bir insan parawanlıǵı ushın!» atamasındaǵı yubiley keshesi bolıp ótti. 

14.10.2026-jıl. Xalıq deputatları Taxtakópir
rayonlıq Keńesi janındaǵı «Sociallıq
taraw, jaslar siyasatı, mádeniyat hám sport máseleleri boyınsha» turaqlı
komissiya baslıǵı, rayonlıq Keńes deputatı Q.Jaliev ózine saylanǵan aymaqtaǵı
5-sanlı mektep basshıları hám klass basshıları menen ushırasıw ótkerdi. 

Taxtakópir rayonı hákimi,
rayonlıq Keńesiniń deputatı J.Adilov tárepinen puqaralardıń múrájatların
qabıllaw, olardıń usınıs hám pikirlerin tıńlaw maqsetinde gezektegi jeke
tártiptegi qabıllaw ótkerildi. 

"Jizzaq haqıyqatı" gazetasınıń bas
redaktorı, Jizzaq wálayatı Keńesiniń deputatı Nazarov Bahodir Sulaymonovich
Xalıq deputatları Taxtakópir rayonlıq Keńesine barıp, jergilikli Keńes
deputatlarınıń jumıs tájiriybesi hám ámelge asırılıp atırǵan jumıslar menen
jaqınnan tanıstı.

 

15.10.2026-jıl. Xalıq deputatları Taxtakópir rayonlıq Keńesi janındaǵı
Ekspertler toparınıń gezektegi májilisi bolıp ótti. 

Ózbekstan Respublikasınıń
2012-jıl 26-aprelde qabıl etilgen Shańaraqlıq isbilermenlik haqqındaǵı
ÓRQ-327-sanlı Nızamınıń Taxtakópir rayonında orınlanıwı úyrenildi. 

Rayon hákimliginde Ózbekstan
Respublikası Prezidenti hám Húkimet hújjetleriniń orınlanıwı ústinen nátiyjeli
qadaģalaw mexanizmlerin engiziw, atqarıw nátiyjesi boyınsha anıq esap beriwdi
támiyinlew, sonday-aq, barlıq buwındaģı basshılar hám xızmetkerlerdiń atqarıw
tártibine qatań ámel etiw jaǵdayın sekretariat bas qánigesi S.Erǵabulov
tárepinen úyrenildi. 

alıq deputatları Taxtakópir rayonlıq Keńesi
sekretariatı baslıǵı  

T.Jusipov hám Keńestiń Jaslar
siyasatı, mádeniyat hám sport máseleleri boyınsha turaqlı komissiyası baslıǵı
Q.Jaliev rayon hákiminiń orınbasarı – Shańaraq hám hayal-qızlar bólimi baslıǵı
G.Seytnazarovanıń 2026-jıldıń 9 ayı dawamında ámelge asırǵan jumısları
haqqındaǵı esabatın sessiyada tıńlawǵa tayarlıq kóriw sheńberinde úyreniw
jumısların alıp bardı. 

Xalıq deputatları rayonlıq Keńes
sekretariatı baslıǵı T. Jusipov hám Keńestiń Jaslar siyasatı, mádeniyat hám
sport máseleleri boyınsha turaqlı komissiyası baslıǵı Q. Jaliev rayon hákiminiń
orınbasarı P.Ernazarovtıń sociallıq obyektlerdiń gúzgi-qısqı máwsimge tayarlıǵı
boyınsha ámelge asırılıp atırǵan jumıslar haqqındaǵı esabatın sessiyada
tıńlawǵa tayarlıq kóriw sheńberinde úyreniw jumısların alıp bardı. 

Xalıq deputatları rayonlıq Keńes
sekretariatı baslıǵı T.Jusipov hám Keńestiń Jaslar siyasatı, mádeniyat hám
sport máseleleri boyınsha turaqlı komissiyası baslıǵı Q.Jaliev Prezidentimizdiń
2024-jıl 4-oktyabrdegi PQ-347-sanlı qararı tiykarında rayonda ámelge asırılǵan
jumıslar menen tanısıw hám rayonlıq Kámbaǵallıqtı qısqartıw hám bántlik bólimi
baslıǵınıń esabatın sessiyada tıńlawǵa tayarlıq kóriw maqsetinde úyreniw
jumısların alıp bardı. 

Xalıq deputatları Taxtakópir
rayonlıq Keńesi sekretariatı baslıǵı T.Jusipov hám Keńestiń Jaslar siyasatı,
mádeniyat hám sport máseleleri boyınsha turaqlı komissiyası baslıǵı Q. Jaliev
«Atakól» máhállesinde bolıp, máhálledegi hayal-qızlar belsendisi L.Omarovanıń
jumısın ornına shıǵıp úyrendi 

16.10.2026-jıl. Rayonlıq Keńes
sekretariat baslıǵı T.Júsipov hám deputat Q.Jaliev rayonlıq Xalıq
qabıllawxanasına usı jıldıń 9 ayında fizikalıq hám yuridikalıq shaxslardan
kelip túsken múrájatlar hám olarda kóterilgen máseleler haqqındaǵı málimlemeni
sessiyada tıńlawǵa tayarlıq kóriw sheńberinde úyreniw jumısların alıp bardı. 

Xalıq deputatları Taxtakópir
rayonlıq Keńesiniń Jergilikli byudjet, isbilermenlikti rawajlandırıw hám
ekonomikalıq reformalar máseleleri boyınsha turaqlı komissiyasınıń májilisi
bolıp ótti. 

Kanalǵa aǵza bolıń👇 

✅t.me/ taxta_kengash