Shomanay rayonı mektepke shekemgi hám mektep bilimlendiriw bólimine qaraslı 7-sanlı ulıwma orta bilim beriw mektebi imaratında "Basshı hám jaslar" ushırasıwı ótkerildi. Onda rayon hákimi A.Ametov, rayon prokurorı M.Matchanov, Shomanay rayonı Ishki isler bólimi baslıǵı R.Turǵanbaev, Shomanay rayonı Jaslar isleri bólimi baslıǵı F.Xodjabaev, rayonlıq Keńes deputatı Q.Nawrizov, tiyisli taraw basshıları, rayonlıq Keńes deputatları hám jaslar qatnastı.

Sáwbetlesiw dawamında jaslardı qıynap kiyatırǵan sociallıq, huqıqıy hám jeke mashqalalar hár tárepleme úyrenilip, olardı sheshiw boyınsha juwapkerlerge tiyisli tapsırmalar berildi. Sonday-aq, ushırasıwda huqıqbuzarlıqlardıń aldın alıw, bántlikti támiyinlew, kásip-óner hám isbilermenlikke baǵdarlaw jáne salamat turmıs tárizin úgit-násiyatlaw máseleleri boyınsha profilaktikalıq dógerek sáwbeti shólkemlestirildi.

Bunday ushırasıwlar jaslar menen mánzilli islesiw hám olardı hár tárepleme qollap-quwatlawǵa xızmet etpekte.