Mazkur muloqotdan koʻzlangan asosiy maqsad — fuqarolarning dardini tinglash, hududdagi mavjud muammolarni oʻrganish va ularni hal etish boʻyicha amaliy chora-tadbirlarni belgilashdan iborat boʻldi. Uchrashuv davomida aholi tomonidan 10 dan ortiq masala yuzasidan aynan kommunal xizmatlar sifati, bandlik masalalari, infratuzilmani yaxshilash va ayniqsa, ichki yoʻllarning holati yuzasidan fikr-mulohazalar bildirildi.

Shundan soʻng deputatlar mahalladagi Chorogʻon koʻchasida olib borilayotgan shagʻallashtirish ishlarining borishi bilan joyiga chiqqan holda tanishdilar. Ichki yoʻllarni ta'mirlash va shagʻallashtirish ishlari aholi uchun qulaylik yaratish, ayniqsa yomgʻirli mavsumda harakatlanish muammolarini bartaraf etishda muhim ahamiyat kasb etadi. Nazorat-tahlil tadbiri davomida ishlar sifati, belgilangan muddatlarga rioya etilishi va qurilish me'yorlariga muvofiqligi oʻrganildi.

Deputatlar tomonidan mutasaddi tashkilot vakillariga aniq koʻrsatmalar berilib, kamchiliklarni bartaraf etish yuzasidan tavsiyalar bildirildi. Ta'kidlandiki, har bir amalga oshirilayotgan ish aholining roziligi va manfaatiga xizmat qilishi lozim.

Bunday uchrashuv va joylarda oʻtkazilayotgan nazorat tadbirlari xalq bilan muloqotni mustahkamlash, muammolarni oʻz vaqtida bartaraf etish va hududni har tomonlama obod qilishga xizmat qiladi. Eng muhimi, fuqarolar oʻz vakillari orqali oʻz taklif va muammolarini ochiq bildirish imkoniyatiga ega boʻlmoqdalar. 📍Ijtimoiy tarmoqlardagi sahifalarimiz:

🌍 Web sayt (https://kengash.gov.uz/news?region_id=3&authority_id=304) | ✅ Do'stlik kengashi (https://t.me/XD_deputatlar_dustlik_tuman) | 💬 Facebook (https://www.facebook.com/Dustlikkengashi) | 📹 Youtube (https://youtube.com/@xd_dustlik_deputatlar_kengashi)

Slide 1 of 14