Joriy yilning 4-mart kuni xalq deputatlari Taxiatosh tumani Kengashining navbatdan tashqari 21-sessiyasi bo‘lib o‘tdi.

Sessiyaning kun tartibida tashkiliy masala ko‘rib chiqildi.

Unda Qoraqalpog‘iston Respublikasi Jo‘qorg‘i Kengesining Raisi Amanbay Orinbaev ishtirok etdi va so‘zga chiqdi.

Sessiyada Taxiatosh tumani hokimi lavozimiga Sdikov Islambek Muratbayevichni tayinlash masalasi ko‘rib chiqildi.

Taklif etilgan nomzodni tuman Kengashining deputatlari qo‘llab-quvvatlab so‘zga chiqdi.

Sessiyada Sdikov Islambek Muratbayevich Taxiatosh tumani hokimi etib tayinlandi.

Ma’lumot o‘rnida aytish joiz, I.Sdikov faoliyati davomida Qoraqalpog‘iston Respublikasi Vazirlar Kengashining Sanoatni rivojlantirish, kapital qurilish va kommunikatsiyalar masalalari bo‘yicha kotibiyat boshlig‘i, Xo‘jayli tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari - iqtisodiy taraqqiyot va kambag‘allikni qisqartirish bo‘limi boshlig‘i lavozimlarida samarali faoliyat olib borgan.

U bugungi kunga qadar Qoraqalpog‘iston Respublikasi Jo‘qorg‘i Kengesining Sanoat qurilish, transport va axborot texnologiyalari masalalari qo‘mitasi raisi lavozimida ishlab kelgan.