Oʻrganishlarda mahalladagi quyonchilik yoʻnalishida faoliyat yuritayotgan Shuhrat Latipov xonadonida boʻlindi. 2023-yilda hokim yordamchisi tomonidan fuqaroga bankdan 20 million soʻm kredit mablagʻlari evaziga 20 bosh quyon olib berilgan. Bugunga kelib “velikan” va “baran” zotli quyonlari soni 200 boshdan oshgan.

Jumladan “velikan” turdagi quyon yarim yildan koʻproq muddatda yaxshi parvarishlansa, 7-8 kilogramm “tosh” bosadi. Bemalol 6 kilogramm atrofida parhezbop goʻsht qiladi. Demak, quyon goʻshti kilogramini oʻrtacha 70 ming soʻmdan hisoblaganda, har bir bosh yetilgan quyon kamida 300 ming soʻm daromad degani. Fuqaroni bildirishicha, quyon tez koʻpayarkan, ikki oyga bormay, birinchi tugʻishida 7-8 tagacha bolalaydi. Oʻt beda, shuningdek, sabzi, karam, sholgʻom kabilar bilan oziqlanadi. Quyonlarni tugʻilganidan 20 kunligida chiqarib sotishga oʻtiladi. Quyon goʻshti kilogramini oʻrtacha 70 ming soʻmdan hisoblaganda, har bir bosh yetilgan quyon kamida 300 ming soʻm daromad degani. Bir yillik daromad manbai esa 35-40 million soʻmni tashkil etmoqda. Hozirgi kunda hokim yordamchisi tomonidan Sh.Latipovning quyonchilik tajribasi hududdagi fuqarolarga namuna sifatida keng ommalashtirish ishlari olib borilmoqda.