Chortoq tuman hokimi, Xalq deputatlari tuman kengashiga 10-Zafar Diyor saylov okrugidan deputat Ilhomjon Sattarov o‘z saylov hududida yashovchi aholi
bilan navbatdagi deputat qabulini o‘tkazdi. 

Mazkur uchrashuv ochiq muloqot, xalq dardini tinglash va muammolarga yechim topish maydoniga aylandi. 

Mahallalarda yashovchi bir guruh fuqarolar o‘zlarini qiynab kelayotgan masalalar yuzasidan murojaatlar bilan ishtirok etdilar. 

Xususan, suyultirilgan gaz ballonlari ta’minoti, sog‘liqni tiklash bilan bog‘liq muammolar, turar joylarning kadastr hujjatlarini rasmiylashtirish hamda boshqa ijtimoiy ahamiyatga molik masalalar ko‘tarildi. 

Har bir murojaat atroflicha o‘rganilib, tegishli tashkilot va mutasaddi rahbarlar ishtirokida joyida hal etish choralari ko‘rildi. Ayrim masalalarga joyida yechim topildi, muddat talab
etadigan murojaatlar esa nazoratga olinib, ijrosi yuzasidan aniq topshiriqlar berildi