Deputat mahalla yettiligi bilan uchrashuv o‘tkazdi hamda ijtimoiy soha obyektlarining kuz–qish mavsumiga tayyorgarligini o‘rgandi.

        Hududda aholi farovonligini oshirish va mavsumiy tayyorgarlik ishlarini samarali tashkil etish maqsadida Xalq deputatlari Bag‘dod tumani Kengashi deputati M.Ergashev Zafarobod mahalla fuqarolar yig‘inining mahalla yettiligi a’zolari bilan uchrashuv o‘tkazdi. Uchrashuv davomida hududning ijtimoiy-iqtisodiy holati, aholi murojaatlari, yoshlar va xotin-qizlar bandligini ta’minlash masalalari muhokama qilinib, o‘zaro hamkorlikni kuchaytirish bo‘yicha takliflar berildi.

       Shuningdek, deputat mahallada joylashgan maktab, bog‘cha, tibbiyot punkti kabi ijtimoiy soha obyektlarining kuz–qish mavsumiga tayyorgarlik jarayonlarini o‘rgandi. Issiqlik tizimlarining holati, mavjud jihozlarning sozligi, energiya tejamkor uskunalar bilan ta’minlanganlik darajasi ko‘zdan kechirildi. Aniqlangan kamchiliklar bo‘yicha mas’ullarga tegishli topshiriqlar berildi.

       Uchrashuv davomida 29-sonli davlat maktabgacha ta’lim tshkilotida “Yashil makon” umummilliy loyihasi doirasida bo‘sh yer maydonlariga turli xil manzarali daraxt ko‘chatlari ekildi.