Xalq deputatlari Zarbdor tuman Kengashi 4-Ravot saylov okrugi deputati, tuman hokimi Bekzod Tashpulatov tumandagi yirik sanoat korxonalaridan biri — “Miramiller” MCHJ faoliyati bilan yaqindan tanishdi.

Deputat amalga oshirilgan o‘rganish jarayonida korxonaning ishlab chiqarish quvvatlari, eksport salohiyati va mavjud ish o‘rinlari holati atroflicha tahlil qilindi. “Miramiller” MCHJ un ishlab chiqarishga ixtisoslashgan bo‘lib, yillik eksport hajmi 2 million AQSh dollarini tashkil etadi hamda korxonada 20 nafardan ortiq ishchi mehnat qilmoqda. Mahsulotlar ichki bozor bilan bir qatorda Afg‘onistonga ham muntazam eksport qilinmoqda.

O‘rganish davomida deputat korxonaning ishlab chiqarish hajmini oshirish, yangi ish o‘rinlari yaratish, eksport geografiyasini kengaytirish hamda investitsiya imkoniyatlaridan samarali foydalanish yuzasidan tegishli tavsiyalar berdi.

Mazkur tashrif hududda sanoatni rivojlantirish, aholi bandligini ta’minlash va eksport ko‘rsatkichlarini yanada oshirishga xizmat qilishi ta’kidlandi.