Deputat o‘zi saylangan hududga tashrif buyurib, avvalo hududdagi bozor faoliyati bilan yaqindan tanishdi. Bozorda savdo jarayonlari, tadbirkorlar uchun yaratilgan sharoitlar, narx-navoning barqarorligi hamda sanitariya holati o‘rganildi.

Savdogar va tadbirkorlar bilan ochiq muloqot o‘tkazilib, ularni qiynayotgan muammolar, taklif va mulohazalar tinglandi. Aniqlangan kamchiliklarni bartaraf etish yuzasidan mas’ul tashkilotlar bilan hamkorlikda zarur choralar ko‘rish bo‘yicha vazifalar belgilab olindi.

Shundan so‘ng Termiz tuman Kengashi deputati Z.Chorshanbiyev hudud yoshlari bilan uchrashib, ularning bandligi, ta’limga bo‘lgan qiziqishi, bo‘sh vaqtini mazmunli tashkil etish hamda tadbirkorlik tashabbuslari haqida suhbatlashdi. Yoshlar tomonidan bildirilgan murojaat va takliflar yozib olinib, ularni amaliy hal etish yuzasidan tegishli tashkilotlarga yo‘naltirish rejalashtirildi. 

Uchrashuv yakunida yoshlarni qo‘llab-quvvatlash, ularning tashabbuslarini rivojlantirish hamda hududda yoshlar bilan doimiy muloqotni yo‘lga qo‘yish muhim ekani alohida ta’kidlandi.