Xalq deputatlari Uchquduq tuman Kengashining navbatdagi o‘n to‘qqizinchi sessiyasi bo‘lib o‘tdi

 ☑️Sessiya kun tartibiga muvofiq qator muhim masalalar ko‘rib chiqildi. 

☑️Jumladan,
tumanda 2026 yil uchun yuridik va jismoniy shaxslar bo‘yicha MFY va OFYlar kesimida
iqtisodiy rivojlanish darajasidan kelib chiqqan holda kamaytiruvchi va oshiruvchi
koeffitsientlar qo‘llanib, yer solig‘i hamda yer qa’ridan va suv resurslaridan foydalanganlik
uchun soliq stavkalarini belgilash masalasi muhokama qilindi. Ushbu masala yuzasidan
tuman soliq bo‘limi boshlig‘ining o‘rinbosari E.Murodullaev axborot berdi. 

☑️Shuningdek,
2025 yil davomida tumanda yoshlar siyosati bo‘yicha amalga oshirilgan ishlar xususida
Yoshlar ishlari tuman bo‘limi boshlig‘i K.Bekmurodov
hisobot berdi. 

☑️Sessiyada
tashkilotlar rahbarlarining aholi muammolari va murojaatlari bilan ishlash faoliyati
yuzasidan O‘zbekiston Respublikasi Prezidentining Uchquduq tuman Xalq qabulxonasi
tomonidan taqdim etilgan axborot ham eshitildi. Mazkur masala yuzasidan yetakchi
mutaxassis J.Alimov axborot berdi. 

☑️Kun
tartibida, shuningdek, Xalq deputatlari Uchquduq tuman Kengashining
VII-2-010-5-76-K/24-sonli qaroriga o‘zgartirish kiritish hamda Kengash kotibiyati
xodimlarining mehnatiga haq to‘lash tizimini takomillashtirish masalalari ko‘rib
chiqildi. Bu masalalar bo‘yicha kotibiyat mudiri M.Kamolova axborot berdi. 

☑️Sessiya
yakunida kun tartibidagi barcha masalalar yuzasidan tegishli qarorlar qabul qilindi.