Xalq deputatlari Chilonzor tuman Kengashi deputati Xidiyatulina Rima Rashitovna Lutfiy mahalla fuqarolar yig‘ini (MFY)da mahalla yettiligi faoliyati bilan yaqindan tanishdi. Tashrif davomida deputat mahallada amalga oshirilayotgan ishlar, jamoatchilik faolligi, fuqarolarning ijtimoiy muammolarini hal etish bo‘yicha olib borilayotgan chora-tadbirlarni o‘rgandi.

 Uchrashuv davomida mahalla yettiligi a’zolari hududdagi dolzarb masalalar — ijtimoiy yordamga muhtoj oilalar holati, yoshlar bandligi, mahalla infratuzilmasi, obodonlashtirish ishlari hamda profilaktik tadbirlar haqida batafsil ma’lumot berdi. Shuningdek, aholi tomonidan bildirilgan murojaatlar va takliflar atroflicha muhokama qilindi.

 Deputat Xidiyatulina Rima Rashitovna ko‘tarilgan masalalar yuzasidan tegishli tashkilotlar bilan hamkorlikda aniq chora-tadbirlar ishlab chiqilishini, aholi farovonligini oshirish yo‘lida mahalla yettiligi bilan doimiy muloqot va hamkorlik davom ettirilishini ta’kidladi.

 Tashrif ochiq va samarali muloqot ruhida o‘tdi hamda mahalla hayotini yaxshilashga qaratilgan muhim tashabbuslarni qo‘llab-quvvatlashga xizmat qildi.