Xalq deputatlari Oltinsoy tuman Kengashi deputati Yu. Qurbaniyazov tashabbusi bilan “Xidirsho” mahallasi fuqarolari tomonidan ilgari surilib, “Fuqarolar tashabbusi” loyihasi doirasida g‘olib deb topilgan ko‘chalarda asfaltlash ishlari boshlab yuborildi. 

Mazkur loyiha doirasida hudud infratuzilmasini yaxshilash, aholi uchun qulay sharoitlar yaratish hamda ichki yo‘llarning transport harakati uchun yanada xavfsiz va qulay bo‘lishini ta’minlash maqsadida amaliy ishlar olib borilmoqda. 

Ayni paytda tanlab olingan ko‘chalarda asfalt yotqizish jarayonlari tashkil etilib, pudrat tashkilotlari tomonidan belgilangan muddatlarda sifatli bajarilishi nazoratga olingan. 

Deputat Yu. Qurbaniyazov ushbu ishlarning izchil amalga oshirilishini kuzatib borayotgani, mahalliy aholi bilan muntazam muloqot qilib, ularning fikr-mulohaza va takliflarini inobatga olayotgani ma’lum qilindi. 

Mazkur loyiha natijasida “Xidirsho” mahallasidagi ichki yo‘llar holati yaxshilanib, aholi uchun yanada qulay yashash muhitini yaratishga xizmat qiladi.