Xalq deputatlari Nurobod tumani Kengashi deputati N.Ziyadinov tomonidan tumandagi Ulus mahallasida aholining yashash sharoiti o‘rganib chiqildi.

Qayd etilishicha, aholining yashash sharoiti va turmush farovonligini yuksaltirish, hududlar infratuzilmasini yaxshilash, bu boradagi ishlarni yuqori bosqichga ko‘tarish muhim ahamiyatga ega bo‘lmoqda.

Jumladan, Ulus mahalla fuqarolar yig‘inida ichki yo‘llarni ta’mirlash, elektr ta’minotini yaxshilash, aholini toza ichimlik suvi bilan ta’minlash bo‘yicha salmoqli ishlar amalga oshirildi.

Mavjud elektr uzatish tarmoqlarini yangilash va modernizatsiya qilish maqsadida elektr tarmoqlari korxonasi tomonidan qariyb 2 km tarmoq tortildi. Mahalla hududidagi transformator punkti yukini yengillatish uchun 1 dona yangi TP o‘rnatildi. 

Hududda obodonlashtirish va qurilish-ta’mirlash ishlari davom etmoqda.