📌 Deputat so‘rovida qayd etilishicha, so‘nggi vaqtlarda kuzatilgan kuchli yomg‘irgarchilik va noqulay ob-havo natijasida "Vatandosh" mahallasi hududidagi bir qator daraxtlarning shoxlari sinib, avariyaviy holatga kelib qolgan. Bu holat hududdagi avtotransport vositalariga zarar yetkazish xavfini solish bilan birga, bolalar maydonchalari va aholi gavjum joylarda fuqarolar, ayniqsa, bolalar hayoti va salomatligiga jiddiy xavf tug‘dirmoqda.

📝 Shu munosabat bilan deputat tomonidan aholi xavfsizligini ta'minlash maqsadida mazkur hududdagi avariyaviy holatga kelgan daraxtlarni xatlovdan o‘tkazish, xavf tug‘dirayotgan shoxlarni sanitar kesish hamda tegishli obodonlashtirish ishlarini tashkil etishda amaliy yordam ko‘rsatish so‘raldi.

✅ Deputat so‘rovining ijrosi va ko‘riladigan chora-tadbirlar deputatlik nazoratiga olingan.