Bolalar maydonchalari —
e’tibor va nazoratda 

Xalq deputatlari Piskent
tuman Kengashidagi O‘zLiDeP deputatlik guruhi a’zosi, 22-Guliston saylov okrugi
deputati R.Muxtorova hamda Kengash kotibiyati bosh mutaxassisi G.Xudoyqulova
tomonidan hududdagi aholi va bolalar uchun mo‘ljallangan sport inshootlari
hamda ta’lim muassasalarining sport zallari holati o‘rganildi. 

O‘rganish davomida
quyidagilar aniqlandi: 

Holat: Mahalla hududidagi
bolalar maydonchasi ko‘zdan kechirilganda, uzoq vaqt foydalanish natijasida
maydonchaning ayrim qismlari va sport anjomlari ta’mirtalab holatga kelib
qolganligi ma’lum bo‘ldi. 

Amaliy choralar: Mazkur
muammoni bartaraf etish va bolajonlar uchun xavfsiz hamda qulay sharoit
yaratish maqsadida mahalla raisi tomonidan homiylar jalb qilingan. 

Reja: Yaqin kunlarda
maydonchada to‘liq ta’mirlash va tiklash ishlari olib borilishi belgilandi.
Tezda amalga oshiriladigan bu ishlar natijasida maydoncha yana bolalarning
sevimli maskaniga aylanadi. 

"Bolalarning bo‘sh
vaqtini mazmunli o‘tkazishi va sport bilan shug‘ullanishi uchun xavfsiz muhit
yaratish — bizning asosiy maqsadlarimizdan biridir. Mahalla raisining
tashabbusi bilan boshlanayotgan ta’mirlash ishlarining sifatli yakunlanishini
deputat sifatida nazorat qilib boramiz", — dedi R.Muxtorova. 

Telegram
(http://t.me/PiskentTumaniKotibiyati) Facebook (https://www.facebook.com/share/1B4wErcYvP/