GULCHILIK VA KOʻCHATCHILIK ORQALI BANDLIK
TAʼMINLANMOQDA

Xalq deputatlari Quva tuman Kengashi deputati O.Oripova tomonidan tumandagi
Oʻraboshi mahalla fuqarolar yigʻinida hokim yordamchisi tomonidan aholini
tadbirkorlikka oʻrgatish, ularga amaliy yordam berish, tomorqadan unumli
foydalanishni yoʻlga qoʻyish borasida olib borilayotgan ishlar holati
atroflicha oʻrganildi.

Oʻrganishlar jarayonida hududda ayniqsa gulchilik va koʻchatchilik sohalarini
rivojlantirishga alohida eʼtibor qaratilgani qayd etildi. Jumladan, bugungi
kunda 36 ta xonadon tomorqasida gulchilik yoʻlga qoʻyilgan boʻlib, 47 ta
xonadonda koʻchatchilik faoliyati samarali tashkil etilgan. Ushbu
yoʻnalishlarda aholiga zarur agrotexnik koʻnikmalar berish, sifatli koʻchat va
urugʻlik materiallarini tanlash hamda yetishtirilgan mahsulotlarni bozorga chiqarishda
amaliy yordam koʻrsatish ishlari izchil amalga oshirilmoqda.

Bu kabi tashabbuslar natijasida mahalla aholisining daromad manbalari kengayib,
tadbirkorlikka boʻlgan qiziqishi ortmoqda. Deputat tomonidan ushbu
yoʻnalishdagi ishlarni yanada kuchaytirish, gulchilik va koʻchatchilikni
ixtisoslashgan faoliyatga aylantirish, mahsulotlarni ichki bozor bilan bir
qatorda tashqi bozorlarga ham chiqarish imkoniyatlarini koʻrib chiqish boʻyicha
tegishli tavsiyalar berildi.