Kambag‘allikni qisqartirish
va tadbirkorlikni qo‘llab-quvvatlash: Amaliy natijalar 

Xalq deputatlari Piskent
tuman Kengashidagi O‘zLiDeP deputatlik guruhi a’zosi, 22-Guliston saylov okrugi
deputati R.Muxtorova hamda Kengash kotibiyati bosh mutaxassisi G.Xudoyqulova
tomonidan mahalladagi hokim yordamchisining faoliyati va aholini kambag‘allikdan
chiqarish borasidagi ishlari o‘rganildi. 

O‘rganish davomida joriy
yilning aprel oyi yakunlari bo‘yicha quyidagi ijobiy ko‘rsatkichlar qayd
etildi: 

Moliyaviy ko‘mak: Mahalladagi
10 nafar fuqaroga o‘z tadbirkorligini boshlash va kengaytirish uchun jami 100
million so‘m miqdorida imtiyozli kreditlar ajratilishi ta’minlandi. 

Bandlik masalasi: Ko‘rilgan
chora-tadbirlar natijasida 7 nafar ishsiz fuqaro doimiy ish o‘rinlariga
joylashtirildi. 

Investitsiyaviy muhit:
Hududda tadbirkorlikni rivojlantirish maqsadida 2 ta yangi mas’uliyati
cheklangan jamiyat (MCHJ) shaklidagi subyekt tashkil etildi va o‘z faoliyatini
boshladi. 

"Maqsadimiz — har bir
oilaning daromad manbaiga ega bo‘lishini ta’minlash va mahallamizni
ishsizlikdan xoli hududga aylantirishdir. Kredit olgan fuqarolarimizning ishini
rivojlantirish va yangi tadbirkorlik subyektlarini qo‘llab-quvvatlash doimiy nazoratimizda
bo‘ladi", — dedi R.Muxtorova. 

Telegram
(http://t.me/PiskentTumaniKotibiyati) Facebook (https://www.facebook.com/share/1B4wErcYvP/