Xalq deputatlari Piskent
tuman Kengashidagi O‘zLiDeP deputatlik guruhi a’zosi, 22-Guliston saylov okrugi
deputati R.Muxtorova hamda Kengash kotibiyati bosh mutaxassisi G.Xudoyqulova
tomonidan mahallada jinoyatchilikka qarshi kurashish va huquqbuzarliklar
profilaktikasi holati o‘rganildi.

O‘rganish davomida hududdagi
kriminogen vaziyat tahlil qilinib, quyidagilar aniqlandi:

Jinoyatchilik holati: Joriy
yilning aprel oyi davomida hududda 2 nafar fuqaro tomonidan jinoyat sodir
etilgan bo‘lib, hozirda mazkur holatlar yuzasidan tegishli idoralar tomonidan
surishtiruv ishlari olib borilmoqda.

Hudud toifasi: Olib borilgan
tahlillar natijasida «Guliston» MFY «sariq» hudud toifasiga kiritilgan. Bu esa
mahallada profilaktik tadbirlarni yanada kuchaytirishni taqozo etadi.

Profilaktik nazorat:
«Anorbog‘» dala hovlilari hududida profilaktik hisobda turuvchi 3 nafar shaxs
mavjud bo‘lib, ular bilan mahalla yettiligi va profilaktika inspektori
tomonidan muntazam ravishda qayta jinoyat sodir etmaslik bo‘yicha tushuntirish
ishlari olib borilmoqda.

«Maqsadimiz — hududni 'sariq'
toifadan 'yashil' toifaga o‘tkazish. Buning uchun nafaqat huquq-tartibot
idoralari, balki mahalla faollari va keng jamoatchilik birdek mas’uldir», —
dedi deputat R.Muxtorova.

Telegram
(http://t.me/PiskentTumaniKotibiyati) Facebook (https://www.facebook.com/share/1B4wErcYvP/