Deputat saylovchilarga axborot berdi

📌 Xalq deputatlari Chinoz tumani Kengashi deputatlari tomonidan 2026-yilning 1-choragi yakuni bilan o‘z faoliyati yuzasidan saylovchilar oldida axborot berishining "REJA-JADVALI" ga asosan, O‘zLiDeP partiyasidan 18-Sutbuloq saylov okrugidan saylangan deputat Abduvohid Turdiboyev tomonidan saylovchilar bilan uchrashuv tashkil etildi.

🏘 Mazkur uchrashuv "Sutbuloq" mahallasi hududida o‘tkazilib, unda fuqarolar, mahalla faollari hamda tegishli tashkilot vakillari ishtirok etdilar.

📊 Yig‘ilish davomida deputat tomonidan joriy yilning birinchi choragida amalga oshirilgan ishlar, hududni ijtimoiy-iqtisodiy rivojlantirish borasida olib borilgan chora-tadbirlar hamda saylovchilarning murojaatlari asosida hal etilgan masalalar yuzasidan batafsil axborot berildi.

📝Shuningdek, uchrashuvda aholini qiynab kelayotgan dolzarb muammolar — infratuzilmani yaxshilash, ijtimoiy xizmatlar sifatini oshirish hamda bandlikni ta’minlash masalalari muhokama qilindi. Fuqarolar tomonidan bildirilgan taklif va mulohazalar deputat tomonidan o‘rganilib, ularni hal etish yuzasidan tegishli tashkilotlar bilan ko‘rib chiqilishi ta’kidlandi.

🤝 Uchrashuv ochiq muloqot tarzida o‘tib, saylovchilar o‘zlarini qiziqtirgan savollarga bevosita javob oldilar. Mazkur tadbir aholi bilan samarali muloqotni yo‘lga qo‘yish, ularning muammolarini o‘z vaqtida aniqlash va bartaraf etishda muhim ahamiyat kasb etdi.