Aylanmajar mahalla fuqarolar yig‘inida olib borilgan o‘rganishlar jarayonida Xalq deputatlari Toshloq tumani Kengashi deputati F.Xujamberdiyev va tuman Kengashi kotibiyati bosh mutaxassisi Sh.Xo‘jamberdiyevlar tomonidan mahalla obodligini ta’minlash bo‘yicha amalga oshirilgan ishlarga alohida e’tibor qaratildi.

Aylanmajar MFY faollari va koʻcha boshlari bilan hamkorlikda koʻchalardagi daraxtlarni oqlash va tozaligini saqlash ishlari muntazam olib borilmoqda. 2026-yil fevral-mart oylarida “Yashil makon” dasturi doirasida jami 17 000 tup manzarali va mevali daraxt ekilgan.

Shuningdek, Aylanmajar koʻchasida 2022-yilda aholi uchun toza ichimlik suvi chiqarilib, foydalishga topshirilgan, lekin o‘tgan 8 oy davomida tarmoqda nosozliklar yuzaga kelgan edi. Mas'ul tashkilotlarga yuborilgan murojaatlar natijasida masala ijobiy hal qilinib, suv qayta tarmoqqa ulandi.

Ko‘chalarni yoritish bo‘yicha 62 ta quyosh paneli bilan jihozlangan chiroqlar o‘rnatilgan bo‘lib, tunda aholining harakatlanishi uchun qulaylik yaratilgani qayd etildi.