Xalq deputatlari Tuproqqal`a tuman kengashi navbatdagi 23 sessiyasida “Yoshlarga oid davlat siyosati to‘g‘risida”gi qonunning ijrosi

yuzasidan Tuproqqal’a tumanida amalga oshirilayotgan ishlarini

o‘rganish natijasi to‘g‘risida Tuproqqal’a tumanida “Yoshlarga oid davlat siyosati to‘g‘risida”gi qonun ijrosini ta’minlash borasida bir qator tizimli ishlar amalga oshirilmoqda. Jumladan, yoshlarning bandligini ta’minlash, ularni tadbirkorlikka jalb etish, zamonaviy kasb-hunarlarga o‘qitish, shuningdek, bo‘sh vaqtlarini mazmunli tashkil etish yuzasidan aniq chora-tadbirlar ishlab chiqilib, izchil amalga oshirilmoqda.

Hisobot davrida:

yoshlar bilan ishlash tizimi yanada takomillashtirildi;

“Yoshlar daftari” orqali ijtimoiy himoyaga muhtoj yoshlar qo‘llab-quvvatlandi;

sport, madaniyat va ta’lim yo‘nalishlarida turli loyihalar tashkil etildi;

yoshlar o‘rtasida huquqbuzarliklarning oldini olish bo‘yicha profilaktik ishlar kuchaytirildi.

Shu bilan birga, o‘rganishlar davomida ayrim kamchilik va muammolar ham aniqlanib, ularni bartaraf etish yuzasidan tegishli tashkilot va mutasaddilarga aniq vazifalar belgilab berildi.

Xalq deputatlari tuman Kengashi tomonidan mazkur yo‘nalishdagi ishlarni yanada samarali tashkil etish, yoshlarning muammo va takliflarini o‘z vaqtida o‘rganib, amaliy yechimlar ishlab chiqish bo‘yicha nazorat kuchaytiriladi.

Mazkur masala yuzasidan qabul qilingan qaror ijrosi doimiy nazoratga olinadi.