Maktab kutubxonasi va kitobxonlik muhiti o‘rganildi 

11-Zominovul saylov okrugi bo‘yicha Xalq demokratik
partiyasi (XDP) deputatlik guruhi a’zosi T.Azamatov tomonidan hududdagi
madaniyat va ma’rifat maskanlari, xususan, kutubxonalar holatini ko‘zdan
kechirish maqsadida monitoring ishlari olib borilmoqda. 

Shu doirada, deputat tomonidan hududdagi umumta’lim
maktabining kutubxonasi va unda o‘quvchilar uchun yaratilgan sharoitlar
o‘rganildi. 

O‘rganish natijasida quyidagilar ma’lum bo‘ldi: 

· Kutubxonada o‘quvchilarning mutolaa qilishi va bilim
olishi uchun barcha zarur sharoitlar mavjud; 

· Maktabning kitob fondi yetarli darajada butlangan
bo‘lib, badiiy va o‘quv adabiyotlari bilan ta’minlangan; 

· Kutubxona binosi shinam va kitobxonlar uchun qulay
holatga keltirilgan. 

Xulosa: Yosh avlodning intellektual salohiyatini
oshirishda kutubxonalarning o‘rni beqiyos. O‘rganish davomida kitobxonlikni
yanada targ‘ib qilish va kutubxona fondini yangi nashrlar bilan boyitib borish
yuzasidan mas’ullarga tavsiyalar berildi.