Xalq deputatlari Nurobod tumani Kengashi deputati S.Samatov tomonidan tumandagi Sarikul mahallasida joylashgan 17-umumta’lim maktabi hududida amalga oshirilayotgan qurilish ishlari o‘rganildi.

Mazkur sport maydoni 2025-yil 2-mavsum “Tashabbusli byudjet” loyihasi doirasida aholi tashabbusi bilan g‘olib deb topilgan bo‘lib, ayni paytda qurilish ishlari jadal sur’atlarda olib borilmoqda.

Loyihaga muvofiq, ushbu zamonaviy sport maydonini barpo etish uchun jami 1 milliard 400 million so‘m mablag‘ ajratilgan. Qurilish ishlari sendvich-panel texnologiyasi asosida amalga oshirilayotgani esa inshootning mustahkamligi va zamonaviy talablarga javob berishini ta’minlaydi.

Deputat tomonidan qurilish jarayoni sifatli va belgilangan muddatlarda yakunlanishi yuzasidan mas’ullarga tegishli tavsiya va ko‘rsatmalar berildi.

Mazkur sport maydoni foydalanishga topshirilgandan so‘ng, mahalladagi yoshlarning sport bilan shug‘ullanishi, sog‘lom turmush tarzini shakllantirish hamda bo‘sh vaqtlarini mazmunli tashkil etish uchun keng imkoniyatlar yaratadi.